Health Awareness

-Ejayhealthcare-

Bakit hindi ka dapat kumain ng BABOY?

Ang katawan ng tao ay dapat niyang alagan dahil ito ay pahiram lamang ng Diyos. Lahat ng mga hiram kapag isinauli na may problema ay tiyak na mananagot ang nanghiram.

Hindi lingid sa kaalaman ng mga tao na sa baboy nagmumula ang napakaraming sakit. Ngunit bakit patuloy pa rin silang kumakain ng baboy sa kabila ng mga sakit na maaaring maidulot nito? Ito ay dahil ang baboy ay nakasanayan na ng kanilang panlasa at madali itong mabili sa mga palengke.

Dapat mong malaman na ang dalawang dahilan na nabanggit ay hindi maaring gawing katwiran para pwede nang siraan ng isang matinong tao ang kanyang kalusugan.

Hindi mo ba naiisip na habang kumakain ka ng baboy ay kinakain mo rin ang tira-tira niyo at ng kapitbahay mo? Ang pinapakain sa mga baboy na 'kaning-baboy' ay galing sa mga tira-tirang pagkain, karamihan ay panis na kanin, panis na ulam at kung anu-anong sabaw na magkakahalo.

Ang mga baboy rin ay may kakaunting sweat glands, kaya kadalasan gumugulong sila sa putik para maibsan ang temperatura ng kanilang katawan, at sa putik na ito rin sila nagdudumi.

Ang pagkain ng baboy ay hindi lamang bawal sa mga Muslim kundi sa lahat ng tao na may matinong pag-iisip. Ang sinasabi ng karamihan na "ok lang, masarap naman" - nasaan ang utak natin dito? Hindi tayo mga bata na hindi naiisip ang kakalabasan ng mga gawain natin.